Video
Read full review
2011-10-04
11 views
正值英超早場利物浦市打吡, 豬朋狗友又再次眾集深水埗友人屋企, 距離5分鐘腳程既新香園真係岩啪啪聲, 亦造就左我兩星期內第二次光顧一早知道新香園格局係適合快食, 食完就走, 所以本身只係打算三個人食完就開始睇波, 點知加下一個, WHATSAPP黎到又多一個, 收個電話又再多一雙結果一行8人去左攻打細小既新香園未到既時候我有心理準備咁既陣容去到, 預左分開4張枱黎坐, 點知上世積落既福竟然今晚報, 係鋪頭最深處岩岩好有張枱直徑一米多D既圓枱俾我地迫落去, 阿姐仲好肯定咁同我地講呢張枱坐過8個人架喇, 雖然最後有兩個人都係坐左係隔離枱, 總算可以左鄰右里8個人齊齊整整咁食餐飯今次自己叫左腸肚粥, 半份蛋牛治, 再食左少少女友既豬手麵, 無影相都忍唔住要備註一下同埋平反少少野腸肚粥腸同肚都正正常常, 但個粥底突然平凡左好多, 何解?! 無左生滾豬潤既神奇魔力 生滾豬潤會出血水, 再混入成碗粥度令到個味道豐富左好多, 而腸肚腰做唔到呢個功效經此一試, 下次必定以豬潤作膽再慢慢諗配腳另外要還蛋牛治一個公道, 上次比較乾左, 但今次無論蛋同埋牛肉都恰到好處, 好多汁, 真係好好味喎, 唔知係今次
一早知道新香園格局係適合快食, 食完就走, 所以本身只係打算三個人食完就開始睇波, 點知加下一個, WHATSAPP黎到又多一個, 收個電話又再多一雙
結果一行8人去左攻打細小既新香園
未到既時候我有心理準備咁既陣容去到, 預左分開4張枱黎坐, 點知上世積落既福竟然今晚報, 係鋪頭最深處岩岩好有張枱直徑一米多D既圓枱俾我地迫落去, 阿姐仲好肯定咁同我地講呢張枱坐過8個人架喇, 雖然最後有兩個人都係坐左係隔離枱, 總算可以左鄰右里8個人齊齊整整咁食餐飯
今次自己叫左腸肚粥, 半份蛋牛治, 再食左少少女友既豬手麵, 無影相都忍唔住要備註一下同埋平反少少野
腸肚粥腸同肚都正正常常, 但個粥底突然平凡左好多, 何解?! 無左生滾豬潤既神奇魔力
生滾豬潤會出血水, 再混入成碗粥度令到個味道豐富左好多, 而腸肚腰做唔到呢個功效
經此一試, 下次必定以豬潤作膽再慢慢諗配腳
另外要還蛋牛治一個公道, 上次比較乾左, 但今次無論蛋同埋牛肉都恰到好處, 好多汁, 真係好好味喎, 唔知係今次好彩定上次遭殃
我會俾多次機會你, 三盤兩勝再作決定
另一新發現就係碗豬手麵, 小弟素來唔喜愛豬手, 最多都係間唔時食少少德國燒豬手, 中式既更加絛興趣, 但係試左呢度半隻豬手, 真係好好味, 好入味炆得好腍, 仲要24定27蚊有4舊豬手好抵食喎
咁多野下次都唔知點揀黎食好喇
一行8人雖然坐得辛苦, 但係食得暢快
Post