古今二 (荃灣千色匯I) (Closed)

古今二呢個名真係好古典，不過佢既菜式就好新穎，而且食日本菜。琴晚同朋友收工去荃灣食飯，我之前食過古今二覺得唔錯，就建議帶佢去試試。龍捲風沙律$68佢既份量足夠2-3人食，入面好足料，佢有蟹柳絲、雞蛋、蟹子係面頭，下面就有海草同生菜，食落好清新，我上次都有點，用黎配卷物解滯剛好辣妹$95先講賣相，用半透明既貝殼形碟裝住，擺盤好用心，佢既wasabi 都特登整成樹葉形，成幅畫咁，睇落賞心悅目。雖然叫辣妹，但味道完全唔會太辣，用黎點綴吞拿魚同吉列蝦味道，細細件一件，忍唔住食完一件接一件壽司薄餅（辣味三文魚）$88呢一個配搭好新鮮，而且食落有驚喜。三文魚既香味配燒汁，好惹味，再加上餅底變左飯焦，但咬落唔會好硬，軟硬適中之餘仲好有層次，唔需要再加豉油都好好味豚肉泡菜鍋$78泡菜鍋有好幾種蔬菜，最多就係娃娃菜同金菇，湯底酸酸辣辣，好開胃，而且豆腐好嫩，加埋泡菜湯，如果食得落，加碗白飯更加絕配茄子燒$35難得見到有燒茄子，而且唔算貴，就叫左一條試下。佢同平時我地bbq食開既調味有唔同，佢比較日式，係芝麻，醬油加香蒜，食落係第二種風味。