Video
Read full review
2014-04-05
3103 views
仲記得今年2月嚟過番本食日式放題, 錯過了升級的燒羊架, 攪到我成日心大心細, 好想再嚟試試, 所以今次約咗係附近返工既朋友, 放工後嚟番本再encore, 由於嗰日唔使返工既關係準時7點就到喇, 呢個時候食客都唔係好多, 所以我就坐低慢慢揀食物朋友未到, 唯有自己一個點住嘢先, 由於已經唔係第一次嚟番本食放題, 知道呢喥好少漏單, 而且上菜時間快, 所以先d嘢嚟飲先~ 呢喥既酒水係免費架, 而且選擇唔少, 有啤酒、日式千賀壽清酒、日式冰梅酒, 部份更有冷熱選擇, 我就點咗支日式冰梅酒嚟飲 冰梅酒以小壺送上, 好有日本色彩, 而且梅酒味道比一般既更有梅果香味, 甜味較酒味重, 飲既時候都幾順喉, 唔會有刺熱既濃烈酒味, 好適合女生飲用~枝豆係最好既佐酒小吃, 亦係我既至愛, 不但營養價值高, 蘊含豐富的蛋白質, 有降低血液中膽固醇、中性脂肪等, 係枝豆上灑d鹽花, 味道就啱啱好~XO醬炒魷魚鬚, 微辣魷魚鬚帶, 味道唔會好濃&咸, 食既時候魷魚鬚非常爽口, 就連鬚上既小咀管都好爽脆唔會炒到硬繃繃, 吞唔落口~極愛呢款牛油炒雜菌, 真係超級好食, 係雜菌喥加咗牛油同少少鹽嚟調味, 不但
朋友未到, 唯有自己一個點住嘢先, 由於已經唔係第一次嚟番本食放題, 知道呢喥好少漏單, 而且上菜時間快, 所以先d嘢嚟飲先~ 呢喥既酒水係免費架, 而且選擇唔少, 有啤酒、日式千賀壽清酒、日式冰梅酒, 部份更有冷熱選擇, 我就點咗支日式冰梅酒嚟飲
冰梅酒以小壺送上, 好有日本色彩, 而且梅酒味道比一般既更有梅果香味, 甜味較酒味重, 飲既時候都幾順喉, 唔會有刺熱既濃烈酒味, 好適合女生飲用~
枝豆係最好既佐酒小吃, 亦係我既至愛, 不但營養價值高, 蘊含豐富的蛋白質, 有降低血液中膽固醇、中性脂肪等, 係枝豆上灑d鹽花, 味道就啱啱好~
XO醬炒魷魚鬚, 微辣魷魚鬚帶, 味道唔會好濃&咸, 食既時候魷魚鬚非常爽口, 就連鬚上既小咀管都好爽脆唔會炒到硬繃繃, 吞唔落口~
極愛呢款牛油炒雜菌, 真係超級好食, 係雜菌喥加咗牛油同少少鹽嚟調味, 不但能帶出雜菌本身既鮮甜味, 而且仲有香噴噴既牛油香味, 食既時候完全唔覺得油膩, 反而增添咗雜菌既鮮味, 讚~
吃下吃下.... 個fd 就嚟到, 當然係叫d升級食品嚟慰勞下佢喇, 呢款赤蝦刺身, 同上次食既一樣, 大大隻爽口彈牙, 而且赤蝦非常新鮮, 味道鮮甜美味~ 不過, 我今次發現赤蝦竟然有蝦腸未挑走呀~ 但都無關係喇, 因為佢既味道真係好好, 雖然呢喥有少少扣分位, 但都無損我既鐘愛程度
期待已久既羊架出場喇, 雖然羊架外層有d燒焦, 但咁先可以將羊穌味道帶走, 羊架上加咗d香草調味, 而且肉質細嫰, 非常入味, 唔會有靱孖孖既口感, 難怪上次隔離枱既婆婆強烈推介~
朋友話一客牛油粟米份量唔夠食, 但我就覺得ok, 因為食放題梗要樣樣試d先開心, 每款淺嚐就已經足夠, 而且粟米都應該幾飽肚, 食太多驚回唔到本, 講真, 呢個粟米既味道唔夠美, 但濃郁既牛油香味, 幫佢拎番唔少數~
食食下見到隔離枱叫火煱, 攪到我又叫埋一份, 但唔知點解火煱係枱上既餐紙搵唔到, 要同職員講, 咁職員先會拎另一張紙俾你點架, 而火煱配菜大部份都以疏菜為主, 當中仲有幾款肉類揀喇, 但都係因為要回本既關係, 我索性再order 刺身類既海鮮打邊爐~
滾滾下, 成個湯底由原本白色的特濃豬滑湯底, 變得紅卜卜, 我哋仲專登將赤蝦蝦頭放番入去滾, 令成個湯底都充滿住蝦既鮮味, 係呢個時候將其他配料放入去, 疏菜就會吸晒海鮮既味道, 超正~
食到飽晒, 就點埋甜品埋單, 同上次一樣, 都係叫咗芝麻雪糕~講真, 番本食物既質素唔錯, 選擇又多, 2小時任食任喝都只係2百幾蚊, 係旺中嚟講算係好超值, 而且服務員既態度都唔錯, 幾有禮貌, 仲不時幫我哋收拾枱上面既吉碟, 工作勤快, overall 唔錯, 下次會再嚟食過~
Post
