尖沙咀嗰間就食得多，銅鑼灣呢間極尚大喜屋都係第一次食，估唔到水準比尖沙咀嗰間仲高， 成間放題店光鲜、光猛、寬敞、闊落， 吧枱任攞的食物雖然分散得有點散，但係各適其適，應有盡有。
小魚乾完全係呢間放題的亮點， 鱼乾燒得乾脆，搽上甜蜜糖，食落既香脆又鮮甜。
刺身 好厚切 賣相非常新鮮 長腳蟹 都好鮮甜
壽司的的骰骰， 製作精緻， 別具心思
放題必食的芝麻雞翼 醃得入味炸得非常香脆 肉質鮮嫩 真係食唔停口
松茸海星燉烏雞湯，都係食呢間放題的推薦， 用一個個燉盅，裝起材料嚟燉的燉湯， 材料豐富，啖湯燉得非常濃郁，非常清甜， 雖然係會有啲油，但真係可以堪稱真真正正真材實料的靚湯。
另一個推薦係花膠，呢度啲花膠大大件， 配上冬菇同紹菜一齊整，醬汁調教得非常好， 真係令人垂涎欲滴。
飯後甜品呢度都有好多選擇，生果有多款任你揀，雪條雪葩都有好多種，仲有細細件的甜品蛋糕任君選擇， 真係好精彩的一餐放題!
