漢堡王 (Closed)

我又用果張coupon，黎呢度食安格斯漢堡。呢一日都唔算多人，可能時間尚早既關係啦。照要個安格斯漢堡餐，配洋蔥圈。安格斯漢堡個味道唔錯，牛肉好大塊又唔韌。而個汁係好濃既牛扒汁，好好味架。而我好鍾意裡面既炸洋蔥，好得意架。整體上真係好好食。洋蔥圈好重洋蔥味，炸炸又唔係太重，好好味。凍奶茶雖然無港式奶茶咁濃，不過比之前既熱奶茶濃好多。味道真係算唔錯啦。咖啡雪山係用特濃咖啡加雪糕既，好得意既甜品。一冷一熱既感覺。味道唔錯，希望下次再有新產品出啦。不過我要咖啡雪山既時候，唔知係唔係佢地以為我追單。成個餐俾左我。