Cafe唔係好大 ，但係佈置得幾精緻舒適。
打完波兩點零鐘去到 ，仲有set lunch食呀!
香草忌廉汁大蝦義大利麵， 大蝦新鮮又夠爽， 忌廉汁加埋香蒜蓉，香草
仲有軟硬適中嘅意大利麵， 好滿足
手作特級和牛漢堡， 後生女侍應好醒目問我哋係咪share食 ，通知廚房先將漢堡一開二:) 好厚嘅和牛真係好juicy ，有漢堡包又點少得薯條呀， 熱辣辣 ，好香口。
其實我哋念念不忘上次食過嘅軟殼蟹， 加上又打完波， 就散叫多個軟殼蟹黑松露忌廉義大利麵， 兩間店舖出品同樣出色， 好鍾意個造型，軟殼蟹炸得香脆， 但係裏面啲肉仲好嫩，成隻連殼都食埋 ，意大利麵配上菇菌同黑松露醬 ，啖啖黑松露味湧上
1
飲品同樣出色 ，凍cappuccino， 香醇， 幼滑。
綠茶鮮奶， 我嘅至愛 。綠茶回甘， 配上鮮奶嘅幼滑， 仲有可愛嘅拉花， 我飲到底都唔捨得搞爛個三眼仔呀
呢度啲飲品拉花真係好靚， 仲有好吸引嘅窩夫， 喺呢度食嘢真係賞心樂事
