炑八韓烤親子餐廳 (愉景新城)

Open Now

Now Closed

為咗囡囡開心，又嚟多次荃灣炑八親子，因為上次玩得好開心，今次借父親節名義又去過。入場費包兒童餐，今次就揀左雞肉漢堡薯條🍟漢堡都幾大個，囡囡食唔晒。韓燒就叫返啲爸爸鐘意食嘅，特級牛助骨$288 又長又大塊比較抵食，要剪開一舊舊燒，配埋一隻大蝦🍤香烤豬五花（5件）$188第一次食，比厚切五花腩好咬，淋身啲芝士帶子八爪魚🐙用個錫紙兜放喺鐵板度燒，芝士已經浸過食材，味道都好濃上次食佢哋嘅窩夫，已經覺得好岀色，今次就叫水果窩夫，有好多生果，士多啤梨、藍莓、桔同菠蘿。晚市波波池開7:00女女遊海場玩到散場先肯走😂