拉麵來 (Moved) New Location

今次係第二次黎，上次試過豬骨湯拉麵，已經有啲念念不忘！適逢今日放假，同男友再去品嚐下濃湯拉麵成間鋪都好復古日本風嘅設計，擺設都放左好多懷舊日式玩具，都幾有趣!男友之選：咖哩撈麵，看似冇特別，啲醬汁其實係個底，啲蓮藕片係炸過的，由於佢切得好薄，好似薯片，撈埋啲汁後，簡直好似食緊卡樂b咖哩味薯片咁，正呀！ amazing  整體個麵嘅味道係唔錯的，但又未去到好意外嘅感覺，如果我選擇的話，我下次都係食番湯拉麵！但唔好誤會，佢係好味道的！有興趣試新野嘅朋友，係可以試下的！我的選擇，真係不得了，碗麵一放低，已經嗅到好香嘅蝦子味，先試一啖湯底，嘩。。真係好正呀！ 由於我選擇湯底係普通濃度，所以第一下係比我想像中淡的，但我發覺愈食就愈濃郁！你係會感受到有蝦膏嘅味道，真係超乎想像！仲有，內有3隻蝦，咬落去係彈牙架！ 又係不得了！總之哩碗麵係值回票價的！餃子亦係要必食的，雖然味道唔係驚為天人，但總比好多所謂嘅日本餐廳整嘅，好食好多，皮薄足料，味道適中！ 真心：哩間都係我難得會讚嘅餐廳，係堅好食，比市面連鎖式拉麵店，絕對係超水準之作！