從大廈到酒吧都全新裝修，入到去感覺係好企理乾淨，小舞台好搶眼，員工們都好後生，仲幾文青Feel。
【隱藏版特飲】
由於晚上仲約咗個客，所以不宜飲酒，調酒師就泡製了餐牌未有的隱藏版飲品畀我，原來呢杯飲品大有來頭，係贏過比賽㗎！味道極清新，青瓜、薄荷、青檸結合，飲落有酒嘅感覺，但原來係無酒精飲品！（我仲唔記得問問佢叫咩名添）
【煙三文魚天使麵】
汁夠多夠Creamy，包圍晒每條天使麵！煙三文魚外，仲有少少什菌，份量兩個人Share食剛剛好！
【原條燒茄子】
無諗過酒吧會有串燒食，見到有就忍不住order喇
個木盤鐵板好特色，茄子好惹味，配酒一流！
【燒秋葵】
店員見我哋喜歡吃燒茄子，就介紹埋燒秋葵了！完全知道我哋口味！好細心！
秋葵好好食，燒完都唔係好乾！
