十下火鍋

自從上次嚟完打邊爐之後，大少隔幾日就會話不如再去多次十下打邊爐啦！其實我自己都有掛住，所以終於搵到機會再嚟多次！今次我哋嚟到發現個套餐嘅內容有轉變，原來佢哋個餐牌會定期轉換。咁我哋可以keep住嚟都唔會覺得悶！打邊爐就等係最重要啲配料啦！一坐低揀好晒嘢食之後我哋就即刻為各自嘅豉油加料。唯一美中不足嘅就係佢哋嘅豉油溝淡咗！我哋今次就揀咗湯底係椰子燉雞湯。服務員送上枱嘅時候我哋真係以為去咗酒樓飲燉湯。飲落去十分之清甜，椰子味十足。基本上我可以飲晒煲湯最緊要係佢連入邊煲湯隻雞都好嫩滑！係我哋一路飲湯同食雞之際，其他火鍋配料都一一咁送晒上台！望落好似唔係好多嘢食，不過其實我哋兩個都食唔晒！全部配料都好新鮮，尤其是放本地手切牛肉， keep到水準牛味十分濃郁！大少最鍾意嘅就係三款滑，基本上佢自己一個人食晒我哋今次再嚟到幫襯，完全冇令我地失望。所有食物都維持到水準。佢哋仲會定時更新套餐入邊嘅食材，令到我哋會更加可以經常幫襯！話咁快我哋又已經期待下次餐牌更新之後有咩好嘢！