跟朋友們叫了兩款咸食及窩夫, 當然飲品也是必叫之選, 開餐啦各位!!
熱鮮果茶~~~因為近來咳還未好, 所以就叫了熱的, 很多水果, 而且很大壺, 味道初飲已很濃, 很水果味, 飲到後來更濃, 不過橙可能多了少少, 最後就有少少酸了…….
冰鮮果茶~~~朋友說可能有冰的關係, 所以沒有熱的那麼濃, 但其實水果味已好入味了…….
芒菓沙冰~~~朋友飲的, 好大杯味又濃, 也有很香的果味, 飲完好清涼~~~
優格野莓冰沙~~~顏色靚之餘, 也能看到果肉新鮮打造, 味濃還比芒菓那杯出色一點, 仲有大大粒士多啤梨!!
玉米里肌起司可頌($62)~~~很喜歡這個牛角包, 味道好之餘也足料, 首先係牛角包好鬆軟, 酥皮又好, 表面加上了煙肉碎好香口, 裡面有芝士及火腿及蔬菜等, 每啖都有好豐富的口感, 加上粟米及酸酸的沙律醬, 滋味啊, 精選!!!
咖喱牛腩佐法國麵包($68)~~~上次無食到, 今次食好入味啊, 汁又多, 大家都好想叫碗白飯食, 哈哈~~~牛肉好稔, 入晒味, 個汁唔算太辣, 我朋友唔吃辣都覺得OK, 而且好濃味, 應該多幾塊多士就更好, 可以ENCORE的一款, 每天限定發售!!!
海鹽焦糖雪糕鬆餅~~~雖然這裡其中一個賣點是窩夫, 但可能我比較鍾意吃少粉同脆口的, 所以唔算太合我心意, 食左呢個係超級飽, 之前跟朋友二人吃超FULL, 還好今天是跟三位朋友來, CREAM好好味又滑, 雪糕交由朋友代吃…….
吃完飽飽的去看舞台劇, 落到樓下七點多已經好多人排隊, 所以想來的話六點左右是最好的日子, 當然星期五六日較多人, 第二次來吃, 我也是繼續覺得咸食及飲品較出色, 可能我口味獨特, 之後有機會還會來吃啊, 要揀D少人時間, 呵呵!!
