-
圓婚勁食之旅開展❤️🔥好耐冇打邊爐🍲今次去食無限時既邊爐😋
台灣養生吃到飽涮涮鍋套餐（$498+$10一位）
湯底都幾多種類，成十九款可以簡！今次試左台式麻辣雞肉涮涮鍋。呢個湯底夠麻夠濃郁，而且有得自選辣度，今次要左中辣，火燒後欄🔥🔥
呢個餐有好多款靚牛、靚肉，包括極級SRF極黑和牛肩脊肉、
極級Prime Grade安格斯牛頸脊、西班牙伊比利亞黑毛豬、
Prime Grade美國安格斯牛肉同埋西班牙無激素豬肉片。
最推薦係極級Prime Grade安格斯牛頸脊😍肥瘦均勻、牛味香濃，而且好腍身👍🏻對就我呢個食肉獸黎講當然係瘋狂order，一次過掃落去😻大滿足！
前菜方面有手拍青瓜同麻辣木耳，幾開胃。
配料方面，長蟹棒、響鈴、炸魚皮、滷大腸、鴨血、牛柏葉、手工麻辣牛丸、手工黑松露墨魚丸都好食👍🏻😍另外仲有手工餃，都幾好食😋
海鮮方面，有蝦、脆鯇魚片都唔錯。另外仲有花膠同埋帆立貝等等。
台灣特色配料都唔少，有米血糕、三色蔥熔岩醬貢丸、甜不辣、芋泥貢丸等等。
菜就比較少食，始終食肉獸係專攻肉。各類雜菇、山根、萵筍、菜都有，連羽衣甘藍都有！
野飲係自助形式，汽水、自家製茶、梳打水、清熱下火既健康飲品都有！
最後每人仲有一杯movenpick雪糕/Dreyers 甜筒🍦為邊爐劃上完美句號！
落單以qr code形式，好方便而且有附圖。
環境方面，餐廳座位闊落，而且成個氣氛唔會好急速，始終係冇限時吃到飽，大家慢慢吹下水食野一洗！無限時可以食到11點，不過其實都食唔到幾耐，如果同一班男仔fd黎食都唔錯！
