Video
Read full review
2023-05-20
1505 views
好耐都冇食過台式放題，終於有時間放底工作，去食返餐好嘢！今日同朋友嚟到佐敦呢間鍋霸，你間嘢好就好在冇限時，你可以食到下晝六七點走都冇人理你，仲可以繼續嗌，啱晒我呢啲上嚟Hea，同朋友吹下水，又食得慢嘅人！如果你係一個好食得嘅人，咁就真係好超值！你去cafe坐成個下晝都要咁上下價錢！不過要溫馨提示一下！呢度啲冷氣都幾凍！女士們，記得要帶返件褸先得呀！呢間嘢都幾窩心嘅，雖然今日係31度，但佢依然有熱飲品供應，啱晒我呢啲唔飲凍嘢嘅人！不得不讚佢個鹹蛋魚皮，超脆，又唔覺得太鹹，仲有幾隻粉可以加上去調味，雖然另外加錢，但真係值得一試！其他都係一啲大路打邊爐嘢，必食嘅肥牛，豬肉，丸類，水餃雲吞，菜。。。等等，呢度嘅豬肉都係無激素，可放心食用！至於湯底，真係要讚下，今日叫咗個蕃茄豆腐湯底，估唔到佢湯裏面嘅料真係超多，直頭係打爆左個鍋！勁！蕃茄好濃郁，我哋加咗幾次湯都仲好有蕃茄嘅濃味！最後嘅雪糕可以揀Haagen Dazs or Movenpick 提提大家，如果7:30前離開仲可以有八折優惠啊！
今日同朋友嚟到佐敦呢間鍋霸，你間嘢好就好在冇限時，你可以食到下晝六七點走都冇人理你，仲可以繼續嗌，啱晒我呢啲上嚟Hea，同朋友吹下水，又食得慢嘅人！
如果你係一個好食得嘅人，咁就真係好超值！你去cafe坐成個下晝都要咁上下價錢！
不過要溫馨提示一下！呢度啲冷氣都幾凍！女士們，記得要帶返件褸先得呀！
呢間嘢都幾窩心嘅，雖然今日係31度，但佢依然有熱飲品供應，啱晒我呢啲唔飲凍嘢嘅人！
不得不讚佢個鹹蛋魚皮，超脆，又唔覺得太鹹，仲有幾隻粉可以加上去調味，雖然另外加錢，但真係值得一試！
$300
12 views
0 likes
0 comments
其他都係一啲大路打邊爐嘢，必食嘅肥牛，豬肉，丸類，水餃雲吞，菜。。。等等，呢度嘅豬肉都係無激素，可放心食用！
至於湯底，真係要讚下，今日叫咗個蕃茄豆腐湯底，估唔到佢湯裏面嘅料真係超多，直頭係打爆左個鍋！勁！
蕃茄好濃郁，我哋加咗幾次湯都仲好有蕃茄嘅濃味！
最後嘅雪糕可以揀Haagen Dazs or Movenpick
提提大家，如果7:30前離開仲可以有八折優惠啊！
Post
