Lantern Lomei (Langham Place)

一段時間冇光顧燈籠滷味
掛住佢個滷汁湯麵就再訪
嗌左個自選5款餸冬粉
一開始上杯芝士奶蓋紅豆好好飲
點知上麵就出事....
仲好記得佢之前係用一大個雞公碗黎放麵
唔知幾時開始改左做一個好淺既碟
無錯！係用碟上湯麵！😰😰😰
原本一大碗既湯 變左做沾麵既汁
如果你係嗌冬粉 係完完全全無晒d湯😑
可以想像到冇晒湯既麵有幾難食
問店員可唔可以加湯 係公式的一句「唔可以」
(仲記得上次葵芳店職員好好 會主動幫我加湯)
連酸菜都明顯比起上次少左好多
唔知慳左d湯對營業額有幾大幫助
至少我唔會再幫襯🙃