鉄人旨花

Open Now

Now Closed

呢間位於銅鑼灣既餐廳，係日式鐵板燒既表表者，因為做得好出名同好多人都食過同聽過。一入去就前面係壽司吧位，行入少少係鐵板燒位。 真係要訂位，平日都就爆場。主要係sell食材靚同新鮮，廚師表演同傾計， 舒適既環境同周全既服務。 一分錢一分貨，每位約1300，共2688。呢度係值得花呢個錢。象拔蚌餐1。沙拉好快有2。紅酒煎鵝肝鵝肝juicy同麵包微脆3。日本象拔蚌好爽口，好正。必食。4。特別菜品名貴白露荀5。熊本縣A5和王牛入口即溶。6。和牛抄飯好飽7。清酒雞湯加左象拔蚌內臟，好鮮甜8。甜品精選和歌山草莓，甜到入心。同枱慶祝生日，見證侍應切蛋糕好叻。經理會用心教導年輕侍應，我地食得很愉快同滿足。