Cafe 178 (Closed)

細細間既Cafe，唔係太多cover，但中午時間都有好多白領人士來食lunch。而且這裡是不設訂位，真係手快有手慢冇。每日有４－５款set lunch，都係四十幾蚊，價錢幾大眾化。舊同事極力推薦這裡的魚柳，咁我既朋友就聽佢話要魚柳，但我就反而要牛扒配薯菜。首先係餐湯和包，是菜湯，綠綠地色望落唔係好吸引，但總算是夠濃夠熱。主菜的牛扒唔係太大份，只是薄薄的，味道卻唔錯。配菜用既薯條是麥當當的那種，不過都唔係太淋，可以接受。另外，我當然會問吓魚柳的味道如何，朋友又是有讚冇彈，睇來下次真係要點魚柳先得。餐飲竟然有espresso，我梗係唔會錯過。果然有ｄ料到！有如此的水準，又只係收咁既價錢，在尖沙咀又多一間好選擇。