香蕉仔 (Closed)

元朗好出名嘅泰式煎餅。記得以前去泰國旅行，路邊一定有啲攤檔賣泰式煎餅。呢間係改良咗嘅，我睇到佢係搓咗塊餅，拎去炸完再煎，雖然係油膩啲，但係香口同埋脆好多。叫咗一個鹹、一個甜，鹹嗰個係肉鬆沙律醬煎餅，味道都幾特別嘅。甜嘅係榛子醬香蕉煎餅，入面都幾足料，有好多香蕉，不過唔鍾意食甜野嘅人千祈唔好嗌，因為味道真係偏甜嘅。拎咗一張飛等咗35分鐘，就可以返去拎個煎餅，都好準時有得拎。可以一試！跟住另外一次叫咗一個朱古力香蕉煎餅，味道冇咁甜嘅，佢話用咗台灣朱古力，果次係星期六，等咗45分鐘先有得拎。