海景海鮮酒家

如果講呢度係旅遊區 真係好快整走遊客 價錢真係同事實質素不符 仲要餐牌冇價錢 呢個講真都幾恐怖 難道係食完理單俾錢先知？ 真係打個突
食物質素唔在講 最少都起碼食左幾多錢 對客人黎講先會安心 今時今日咁做生意係唔係要與時俱進？
再講 點解炒飯會係「凍」 廚房既師傅難得炒飯唔係即場炒即做？ 好食既炒飯點會冇鑊氣？ 呢啲基本野係做廚師基度功 原來成百蚊炒飯係午市過左氣既炒飯 晚市仲熱熱地就拎俾客食？ 做生意都要有道德 咁樣真係唔怕食壞人架咩？
酥炸生蠔 - 完全似食舊炸粉 生蠔冇味 炸得又冧冧地 因為搞「張」果下 生蠔出水搞到個酥變冧 都唔知點解形容 到最後要剝哂啲酥皮直接食蠔

我都未試過食一碟炒飯係「凍」  完全係冇鑊氣可言    真係似午飯時間炒定    求其晚市拎出黎賣返俾你  仲要成舊水  蝦身都係急凍蝦  唔可以話好難食  但  我從未食過一碟「凍」的炒飯  。

$100

呢碟野可以改名  全部食到係粉  感覺唔到入面有生蠔  最抵死餐牌冇牌錢  佢地落單係按人頭收費  講兩個人份量就係$210  真係估唔到香港仲有咁計法  講返生蠔  蠔而冇味  完全感覺唔到食到生蠔  反而個酥皮係主角  但  又唔好食   完全唔係果回事 

$210

呢個係生炒排骨  真係出面兩餸飯仲好食過佢  排骨味完全冇  因為可能用左平價急凍排骨  冇肉味  炸到啲排骨好乾身  真係好「硬」  同埋擺咗好耐  都要翻炸煮熟  唉 

$100