RAPL

Open Now

Now Closed

最近喺Facebook見到好多呢間日本過江龍蘋果批嘅介紹，星期日咁岩喺銅鑼灣SOGO發現佢嘅蹤影，原來佢係開喺SOGO超市嗰層，去到嗰時仲咁岩冇人排隊，屋企人就話買返去試吓。蘋果批出爐嘅速度都好快，每一個都脹卜卜呈金黃色，立立令好吸引。一個$42，一盒四個就$160，我哋一家4個人，所以就決定買一盒一人一個試吓。買嗰時拎上手微熱，但係因為我哋拎返屋企食，所以返到去就加熱左先再食。加熱完之後蘋果批外脆內酥，入邊有蘋果蓉同埋吉士醬，咬到中間好易就爆曬餡，酸酸甜甜又幾好食，不過40幾蚊一個就好似貴左少少！冇人嘅話都可以買一個嚟試吓，但係應該唔會有下一次，實在太貴而且質素冇想像中好，只係普普通通。