譚仔三哥米線 (逸東商場)

Open Now

Now Closed

逸東真係冇乜好食，得茶餐廳, KFC, 老麥果啲。本身對三哥冇乜好印象，之前食過溺灣仔果間，少辣都辣到跳舞，之後冇再去過。果日凍冰冰，好想食碗熱既粉，就咁就去左食三哥喇！我大約11：45am入去，可能仲早，冇乜人，啲員工啊姐就自己坐埋食面，叫極落單都冇人彩我，等左10分鐘度啦。最後終於有個啊姐黎落單, 見隔離枱個個叫套餐，有16款餸，但由於我一個人食唔曬，所以放棄左！我揀左散叫，由於上次有不好既經驗，今次保守啲食酸辣湯底，餸叫左豬潤，酸菜，腩肉酸辣湯幾好味，飲左好多，正！酸菜要叫另上，因為浸左入湯林左冇咁好味。豬潤幾爽口，同深水埗維記有得輝！腩肉，係最難食，冇味又硬！下次唔會再叫~