我地12:11落單，以為應該好快會出到點心啦。一路等咗十幾分鐘，只係見佢出外賣單，咁就心諗算啦可能午飯多外賣。等咗半個鐘開始覺得唔對路，有咩理由會淨係出外賣，我地堂食客就等半個鐘都乜菜都未上。
我地問個職員「等咗半個鐘啦喎」
佢嘅回應係「係呀即叫即蒸㗎」
聽完真係R哂頭，咁即叫即蒸點解只係會出外賣呢？堂食客就可以慢慢嚟？？？
等到已經好冇耐性，佢仲要慢慢嚟。
去到12:57先至上第一籠點心，足足等咗46分鐘。
佢啲點心係好食㗎，但係坐喺咁嘅環境等大半個鐘真係冇下次。
上咗幾碟之後我地就冇再落單，去第二度再食
