今日第一次去，都會係最後一次去。
入去餐廳自己揾位坐低之後自己去落單
叫咗2杯芝士奶蓋茶、黑松露薯條、小食拼盤同意大利麵然後等上菜。
天氣熱好需要補充水份，好彩飲品好快到。
見到個杯大大杯好興奮但係有一半都係冰
仲要芝士奶蓋冇芝士味好令人失望。
叫咗兩個小食但估唔到會係意粉上先，味道可接受。
乾蔥香炒蟹膏蟹肉意大利麵($128)
食完個麵之後等咗13分鐘先上薯條
黑松露醬都ok但薯條炸得太燶。
黑松露薯條($68)
之後一邊食一邊等
等咗16分鐘終於見到個小食拼盤
點解可以咁耐？店𥚃面只有3~4枱客
等待期間忍唔住問店員係咪漏咗⋯差啲以為係fine dining
小食拼盤($128)
因為冇晒炸魷魚鬚所以轉咗魚柳
我估唔到小食拼盤可以咁難食而且好多油
好難形容個炸雞柳同雞翼係咩味，但真係好難食☹️
得個魚柳放到入口，但食之前要用紙巾吸油。
由於個炸雞真係太難食，原本想試佢啲甜品但食唔落就走咗。
