Video
Read full review
2022-05-16
106 views
因為睇到人地Ig D相環境超靚！食評又一面倒讚好！ 所以明知好遠+ 限時+ 最低消費 + 無得揀位，都同意book位黎一試！ 一去到覺得黑色小屋外觀幾型格，不過如果想見到較接更ig圖片的話建議開花嗰季節去會好d ! 我去嘅時候係庭院前面嘅花全部都係枯枝感覺差左截！而室內用餐區設計叫幾特別，有佢本身風格，不過原來餐廳比想像細好多，D 檯都幾密下！而且就算平日，人都唔小！ 想影相真係只能要瞄準佢轉埸時間攝幾張！注意返，一般有時間限制嘅餐廳多數每節90至120分鐘，但呢度更加小係85分鐘！如果一杯嘢飲一個主菜唔傾偈都可以慢慢食，如果食埋甜品+小食又吹下水的話其實都幾趕！ 而且佢都執得幾正，餐廳貼晒幾點至幾點嘅時間表！ 食食下又遞張單過黎，上邊寫咗句請左幾多點交枱，有小小壓力！ 😅食物方面味道正正常常，唔太差又未到驚艷！不過價錢偏貴，而且無餐全部需要單點！主菜百幾up , 杯沙冰加埋一仲差唔多成百蚊一杯！就算午餐預返最基本都起碼二百幾三百蚊個人！最後講埋服務，店員都算斯文有禮貌，不過應該係因為人手唔夠！入埸，點餐，加水，埋單全部要起身自己走去搵佢！ 臨走去洗手間嘅時候，見到一位無戴口罩嘅員工
食評又一面倒讚好！
所以明知好遠+ 限時+ 最低消費 + 無得揀位，都同意book位黎一試！
一去到覺得黑色小屋外觀幾型格，不過如果想見到較接更ig圖片的話建議開花嗰季節去會好d !
我去嘅時候係庭院前面嘅花全部都係枯枝感覺差左截！
而室內用餐區設計叫幾特別，有佢本身風格，不過原來餐廳比想像細好多，D 檯都幾密下！
而且就算平日，人都唔小！
想影相真係只能要瞄準佢轉埸時間攝幾張！
注意返，一般有時間限制嘅餐廳多數每節90至120分鐘，
但呢度更加小係85分鐘！
如果一杯嘢飲一個主菜唔傾偈都可以慢慢食，
如果食埋甜品+小食又吹下水的話其實都幾趕！
而且佢都執得幾正，餐廳貼晒幾點至幾點嘅時間表！
食食下又遞張單過黎，上邊寫咗句請左幾多點交枱，
有小小壓力！ 😅
食物方面味道正正常常，唔太差又未到驚艷！
不過價錢偏貴，而且無餐全部需要單點！
主菜百幾up , 杯沙冰加埋一仲差唔多成百蚊一杯！
就算午餐預返最基本都起碼二百幾三百蚊個人！
最後講埋服務，店員都算斯文有禮貌，不過應該係因為人手唔夠！
入埸，點餐，加水，埋單全部要起身自己走去搵佢！
臨走去洗手間嘅時候，見到一位無戴口罩嘅員工，
冇洗手直接出咗門口
（ 唔知係咪見水龍頭有人用緊返返廚房洗啦！）
點都好，而家有疫情同埋做飲食真係應該要多多注意衛生！
總結：
佢的確係向鄉郊地區，提供環境尚算優美的地方比大家用餐影相！
而且book 位時都好清楚講到明，
交通泊車+ 限時+ 最低消費 +無得揀位，
仲send埋餐牌價錢俾晒你睇咗OK先去！
只不過去到覺得其實真係無咩特別！
呢個價位、環境、質素、服務，市區都有唔少更好選擇，
個人覺得無必要山長水遠專登去！
Post
