甜圓 (Closed)

第一次去葵廣食呢間嘢，見到有啲負評其實心入面都有啲猶疑，但試完之後真係覺得ok喎。叫咗個仙草凍，加咗桂花凍，同埋啲芋圓， 夏天食清清涼涼，好易入口。之前睇啲負評話覺得太甜，但其實可能我自己重口味啦，我覺得個甜到啱啱好，正正常常仙草凍嗰種甜度。反正就係食涼粉嗰種糖囉。芋圓就正正常常。 個桂花凍幾特別，都係第一次見，清清甜甜，我自己幾鍾意嘅。服務方面，今日見到係一個好後生嘅女仔，態度都幾好。我會返轉頭嘅。