Video
Read full review
2019-04-14
470 views
間中不想煮飯都會黎太興叫餸食飯，鍾意飲佢個白肺湯呀，是晚又黎左，嘩嘩，排滿人等位，平時晚都咁旺場呀。等左半個鐘先有位，係門口已經睇定餐牌，一埋位即刻落單先，好肚餓！杏汁潤肺湯（+$38）勁鍾意飲呢度個白肺湯，好濃好香杏仁味，鹹鹹地幾正，功夫咁多，出街飲好過自己煲。馬來椰香春鴨（$35）間中就有一兩款餸做特價，今期係鴨，半隻呢個價堅抵，好香椰汁味，鴨肉嫩滑。見網上有人嫌骨多，個人又覺得唔算喎，都好多肉食吖。豉汁蒸倉魚（$71）另一樣喜歡嘅就係蒸倉魚，又係次次都點嘅。大大條魚札實，豉汁夠濃，魚肉點豉油特別好送飯。不過由於即叫即蒸，等大概25分鐘先上枱，趕時間人仕三思啦。鹹檸水叫餸加（$19）可以改成餐，有白飯一碗同餐飲，見有啲咳就要左鹹檸水，真係幾鹹下，哈哈，加多兩次水都仲有鹹檸味，抵飲啦。熱奶茶阿媽要左熱奶茶，佢話杯茶好得，可惜細杯啲。兩個人食左$182算係咁啦，隻鴨食唔哂仲打包左一半聽日帶飯，呵呵～
等左半個鐘先有位，係門口已經睇定餐牌，一埋位即刻落單先，好肚餓！
杏汁潤肺湯（+$38）勁鍾意飲呢度個白肺湯，好濃好香杏仁味，鹹鹹地幾正，功夫咁多，出街飲好過自己煲。
馬來椰香春鴨（$35）間中就有一兩款餸做特價，今期係鴨，半隻呢個價堅抵，好香椰汁味，鴨肉嫩滑。見網上有人嫌骨多，個人又覺得唔算喎，都好多肉食吖。
豉汁蒸倉魚（$71）另一樣喜歡嘅就係蒸倉魚，又係次次都點嘅。大大條魚札實，豉汁夠濃，魚肉點豉油特別好送飯。不過由於即叫即蒸，等大概25分鐘先上枱，趕時間人仕三思啦。
鹹檸水叫餸加（$19）可以改成餐，有白飯一碗同餐飲，見有啲咳就要左鹹檸水，真係幾鹹下，哈哈，加多兩次水都仲有鹹檸味，抵飲啦。
熱奶茶阿媽要左熱奶茶，佢話杯茶好得，可惜細杯啲。
兩個人食左$182算係咁啦，隻鴨食唔哂仲打包左一半聽日帶飯，呵呵～
Post
