Video
Read full review
2021-12-04
267 views
觀塘真係食好西既一個好地方, 各種美食都有今次同友人慶祝生日, 有另一位朋友介紹左d間隱世私房菜比我,所以就一早訂好枱等收工去食!話就話係隱世, 但其實係觀塘站出左行多一分鐘就到, 好方便入到去係好中式私房菜既感覺, 感覺好正宗, 令人期待雲耳&酸齋坐左冇耐就出左d兩個前菜, 雲耳好爽口, 師父餵左少少味落去食得好清新, 而酸齋同平時食既唔同, 酸度少d, 我覺得平易近人好多, 兩款都有我地都覺得好開胃水耕沙律 x 雙色墨魚仔 x 茶燻流心蛋 x 黑魚子醬厚切茄子當食完前菜就黎小食, 一次過黎四款, 仲要擺法好日式! 先食水耕沙律, 係比平時食開既清甜, 爽脆多汁, 加少少醬已經好好味, 而蕃茄醬仔係用蜜糖去餵, 好驚喜! 雙色墨魚仔就一咸一辣, 幾好味。而個流心蛋真係食到茶香, 但又唔會搶左個蛋味道, 師父控制得幾好! 而茄子我覺得係大驚喜, 平時我其實好一般茄子d樣野, 但今次師父炸左後, 茄子果種令我麻麻既質感冇晒, 而且黑魚子醬好好味!燉哈密瓜螺頭黑毛豚肉湯 + 原盅燉川見陳皮海底椰鱷魚肉湯估唔到係有哈密瓜湯, 飲落都清甜, 唔會好有哈密瓜味, 所以唔會怪, 反而好好飲, 而另
今次同友人慶祝生日, 有另一位朋友介紹左d間隱世私房菜比我,
所以就一早訂好枱等收工去食!
話就話係隱世, 但其實係觀塘站出左行多一分鐘就到, 好方便
入到去係好中式私房菜既感覺, 感覺好正宗, 令人期待
雲耳&酸齋
坐左冇耐就出左d兩個前菜, 雲耳好爽口, 師父餵左少少味落去食得好清新, 而酸齋同平時食既唔同, 酸度少d, 我覺得平易近人好多, 兩款都有我地都覺得好開胃
水耕沙律 x 雙色墨魚仔 x 茶燻流心蛋 x 黑魚子醬厚切茄子
當食完前菜就黎小食, 一次過黎四款, 仲要擺法好日式! 先食水耕沙律, 係比平時食開既清甜, 爽脆多汁, 加少少醬已經好好味, 而蕃茄醬仔係用蜜糖去餵, 好驚喜! 雙色墨魚仔就一咸一辣, 幾好味。而個流心蛋真係食到茶香, 但又唔會搶左個蛋味道, 師父控制得幾好! 而茄子我覺得係大驚喜, 平時我其實好一般茄子d樣野, 但今次師父炸左後, 茄子果種令我麻麻既質感冇晒, 而且黑魚子醬好好味!
燉哈密瓜螺頭黑毛豚肉湯 + 原盅燉川見陳皮海底椰鱷魚肉湯
估唔到係有哈密瓜湯, 飲落都清甜, 唔會好有哈密瓜味, 所以唔會怪, 反而好好飲, 而另一個就係好有功效既湯, 可以止咳化啖, 岩晒依架好忙既都市人飲蝦球水芙蓉
d個好有意境, 水芙蓉係由蛋白同甘筍汁做出黎, 幾滑, 而且鮮甜爽口既蝦球係上面暢泳, 成件事好靚
黑松露醬炒鮮露筍百合
上枱已經嘩左一聲, 因為個南瓜寶盒真係好靚, 而且仲有保暖既功能, 食到最後果舊都係熱既, 感覺好好, 而入面既料炒得好有鑊氣, 而且由露筍係冇渣同埋冇苦味就知靚野, 加埋個黑松露醬吊起成個味, 好正
陳年滷水bb乳鴿
乳鴿幾嫩滑, 肉質好好, 而且陳年滷水好入味!
魚湯菜芯
個魚湯真係好鮮甜, 直頭係可以當湯去飲的, d菜芯被餵得到無得輸
蒜香海班片紅白米飯
最後d個主食其實個重點係個飯, 蒜香海班片味, 同埋荷葉味滲入去, 個飯令人食不停! 當然, 個海班片都令我地好滿意, 好重骨膠原
甜品
係湯丸, 個皮我覺得幾薄, 個黑芝麻料幾多, 但又唔會做到穿晒, 究竟要幾多年功力先可以做到呢?
總結我覺得由前菜, 到主菜, 再到甜品都係咁令人有驚喜, 食到出師父既功力有幾咁勁, 我朋友都話d個生日飯佢好鐘意, 話一定再黎試其他菜咁話
Post
