Video
Read full review
2013-11-06
2640 views
以前冇寫食評既習慣，但係眼見openrice而家D食評同笑臉越來越有商確性，所以想真心寫D食評出黎比有心揾食既人參考下。（可能會比人delete, 已cap圖做record了 )講番正題：今日同女朋友冇book位就弓左入去（上次行過冇book話full左，心諗咁堅？下次一定要試）入到去超逼超嘈，令你享受食物既心情大打折扣，心想如果食物質數好，還能彌補少少。我見散叫餐牌冇risotto，但個dinner set有就試下。因為risotto往往係一個主要指標，尤其係主打提供pasta的餐廳。我女朋友就試左散叫menu入面個白酒汁大蜆扁意粉加$20轉餐有包有湯有餐茶。好普通，略嫌多了醋。茄醬開的湯，味道不用講吧；反而蒜蓉包微暖，味道還不錯。（睇我影相既方式，好明顯我本來係無心寫野的）個risotto係意大利米，不過冇汁同米配合既感覺，個汁偏水所以冇漿力黏實飯粒，根本將倆樣野分開左，而飯粒偏爛，冇咬口，味道很普通；值得一提是辣肉腸切粒後，加埋應該唔夠一片，蝦係用上俗稱「塑膠蝦」的雪藏蝦，雖不是最膠的那款，但無味絕對係常識。個意粉味道同煮法絕對冇問題，沙白數量足夠，不過唔甜，蜆肉唔肥。呢個意粉
（可能會比人delete, 已cap圖做record了 )
講番正題：
今日同女朋友冇book位就弓左入去（上次行過冇book話full左，心諗咁堅？下次一定要試）
入到去超逼超嘈，令你享受食物既心情大打折扣，心想如果食物質數好，還能彌補少少。
我見散叫餐牌冇risotto，但個dinner set有就試下。因為risotto往往係一個主要指標，尤其係主打提供pasta的餐廳。我女朋友就試左散叫menu入面個白酒汁大蜆扁意粉加$20轉餐有包有湯有餐茶。
好普通，略嫌多了醋。
茄醬開的湯，味道不用講吧；反而蒜蓉包微暖，味道還不錯。
（睇我影相既方式，好明顯我本來係無心寫野的）
個risotto係意大利米，不過冇汁同米配合既感覺，個汁偏水所以冇漿力黏實飯粒，根本將倆樣野分開左，而飯粒偏爛，冇咬口，味道很普通；值得一提是辣肉腸切粒後，加埋應該唔夠一片，蝦係用上俗稱「塑膠蝦」的雪藏蝦，雖不是最膠的那款，但無味絕對係常識。
個意粉味道同煮法絕對冇問題，沙白數量足夠，不過唔甜，蜆肉唔肥。呢個意粉係好容易整，味道亦只係平常而已；但係$118加10%，我覺得可以比多誠意。
總結：$160一個人貴唔貴，值唔值？我唔去評論！但係咁既環境加食物質素絕對唔配合。但我相信試少一間係無損失的！
Post
