School Food Blooming Mari (新都城中心) (Closed)

天氣凍想食啲暖笠笠既野，見到有人參雞湯，即刻想買嚟試試。當我落order嘅時候，收銀姐姐已經話要等十分鐘㗎喎。佢畀我嘅感覺係唔想我買呢一個餐。當然我冇理佢啦，我話唔緊要冇問題。十分鐘之後我就企喺門口等，眼見同一位收銀姐姐將袋外賣放喺枱上，又冇叫外賣號碼㗎喎。我唯有自己上前詢問，呢一份餐係咪我㗎，我可以拎未呀，然後佢就點點頭示意我拎得。我未見過一個員工個態度係差成咁，我又冇額外嘅要求，唔知做咗啲咩令佢個心不滿意呢。個服務非常差，跟住我再望望袋外賣，係一碗好似平時你叫例湯咁大，味道就一般。68蚊應該喺同一個商場有好多其他更好嘅選擇。大家可以去試下就明點樣貼錢買難受。雖然只係68蚊，但係你都唔好畀$16.8嘅服務同食物我呀。