是日路經甜品博士 見有拿破崙食 諗都冇諗就一支公入左去 睇吓水準如何
呢個千層餅定價真係拍得上英國物價 四十二大元一件 同文華,TONY WONG, AMANDA有得fight 真係想睇吓佢有咩本領
涵料可以自選水果 但食拿破崙無理由配西瓜蜜瓜咁創新啫 所以唔想有閃失 正正常常叫左芒果跟士多啤梨雪糕
等左都幾耐 大約15分鐘先黎到 應該係即叫即正
上台時我有少少驚訝 個拿破崙形狀相當獨特 由兩層pastry 夾住中間既吉士+芒果粒 點解話佢獨特呢 因為層皮係三角形~ 兩層倒三角般層層疊 由上邊望落去成個魔法陣咁~(哈哈 我真係有童真)
但拿破崙實際上完全唔應該六角形...因為令到進食難度再度提升!!!
拿破崙本身已經係令人食得一榻糊塗既甜品 以宜家重要變左三角形x2...
係物理學上變相少左support reaction force 既mass~~
啫係一叉落去第二邊就彈超左 再叉多野便全部散哂.... anyway 我都人手地疊埋兩層皮中間夾吉士咁食啦
味道方面啲芒果食得出係新鮮健康貨 因為有少少酸 > < (不過總算合乎呢到既少甜賣點啦)
啲cream夠凍夠硬身 但食落甜度同出邊食既一樣咁甜 唔知係真唔係自家出品了
食完既感覺係 唔夠喉但索價貴
42蚊只有呢種品質實在太貴了 我認同外觀確實特別同埋幾令 碟上既朱古力花紋係即叫即拉而唔係之前做定 因為食個時啲朱古力重係軟身
但始終味道唔出眾 不過不失啦 一般既西餅店都搵到既味道囉
