798 Unit & Co (Closed)

公主第一次出巡，便選擇了好朋友極力推介的798. 星期六晚上訂咗位，免了等位嘅時間。感覺幾舒服，加上年青侍應的添水速度超快和友善態度，不過食物水準就認真喺 …麻麻哋!小食拼盤嘅天婦羅好油膩，粉漿又唔脆。起初我和朋友都嘗試『抽絲剝繭』噤食啲茹類和蔬菜，不過最後都放棄咗半碟，食唔落啦。我寧願佢乾脆Grill咗啲食物好過!叫咗大蝦Angle Hair, 大蝦唔新鮮，肉質仲霉霉地! 個番茄dressing又唔夠味，總括一句~ 無セ特別。反而最好味嘅係餐前奉送嘅法式麵包，外面脆卜卜，入面軟綿綿，配埋蒜蓉橄欖油，味道同口感『一級棒』! 而甜品係青檸雪芭配青檸芝士蛋糕，青檸雪芭雖然『酸』到連眼都『矇』，不過就可以清清喉嚨，總算為這頓晚餐劃上一個『平淡』的句號。