囍慶最近做二人海鮮套餐聽說好抵食，六點來到人不多，馬上被安排入座
環境似新裝修過，光亮寬敞，洗手間都好乾淨整潔
坐下來就見到旁邊一桌老夫婦也是叫了二人海鮮餐，份量適中好啱我呢種小鳥胃人士
等了十分鐘，已經上第一道菜：椒鹽蝦，蝦殼炸到香脆，但蝦肉唔乾身依然鮮甜彈牙，好惹味
緊接住係我最愛之一的紅燒乳鴿，外皮酥脆，鴿肉嫩滑充滿肉汁，驚喜地好味
食得味重剛好上上湯菜苗中和一下膩度，菜就有啲老，但個湯頭算清甜，不過不失啦
第四道係椒炒花甲，花買算大隻多肉，鮮味十足，但上菜時略嫌唔夠熱辣辣，少咗啲鍋氣惹味感
第五道係上湯龍蝦配伊麵，龍蝦肉質彈牙鮮甜，啖啖肉，上湯焗伊麵底吸收晒啲蝦肉汁，麵條軟硬適中
第六道蒜蒸貴妃蚌，粉絲軟滑吸晒蚌精華同蒜香，蚌肉鮮甜
第七道係清蒸鮑魚，但鮑魚就略微遜色，肉有啲韌 欠甜度
最後上黃鱲䱽，大大條且肉厚，蒸得剛剛熟，仲保持到鮮嫩，唔錯
整體來說：環境坐得舒服，套餐既抵食又鮮味，值得推薦
