阿久根和牛立燒店 (Closed)

上網見有好多好評先嚟計下，點知中晒伏，唔推薦大家嚟。以下係中左伏嘅地方，大家可以留意下:- 八蚊前菜得果丁屎咁少，出面前菜都唔係咁細份掛？- 問侍應拎杯水，佢話無提供，叫我哋買佢啲野飲，一睇，道地綠茶賣20蚊，汽水賣15蚊，即係搶錢者？- 粟米2pc收15蚊，上到枱得半條都無，仲要開半，好唔好意思呀？- 啲抽氣管都對唔正個爐，要人手拎住條管先吸到啲煙，一燒野就成間舖都係油煙，成身都係果啲味。- $168和牛定食餐個牛份量比較少，大食啲都唔夠食，即係迫人要加錢叫野。