Video
Read full review
2021-03-28
1279 views
東大街一向都係多美食嘅地方，某日行過見到門口個餐牌啲相都幾靚😍，男朋友又鍾意食日式食物，所以就入去試吓。店內環境都幾日式，燈光比較暗，但睇得出有設計同佈置過，都舒服嘅。🪣 一桶厚燒鰻魚玉子飯 $198呢個飯係二人前，一上到枱我哋真係「嘩」咗出聲😲，因為係超級大份。店家即叫即製，所以熱辣辣連埋啲蒸氣送上嚟。木桶表面鋪滿咗蔥花同鰻魚，每一舊都係超肥美，差唔多都有7-8舊。每一件都塗滿燒汁閃令令✨，睇落就好有食慾。鰻魚真係幾厚肉，有彈性而且入味，因為我本人唔太鍾意魚類🐟，但呢個鰻魚真係算係非常不錯。入面嘅玉子唔係全熟，係半熟狀態嘅蛋，好多蛋液🥚流喺飯上面。甜甜地嘅鰻魚，配埋蛋汁撈飯，一個字，正。就咁睇相未必睇到個木桶有幾深，但係入面真係超級多飯🍚，我哋覺得呢個餐應該要3個大食女仔或者2個大食男仔先食得晒。我呢啲眼闊肚窄嘅就真係清唔到幾多，最後都食剩咗啲飯。不過無可厚非，食到最後真係會覺得單調同埋膩。整體覺得木桶飯都幾特別嘅，鰻魚值得一試。👅評分：8/10🧉 冰糖紅棗雪梨茶 & 檸檬蜜 (熱) 各+$8 (套餐價)熱檸蜜就普通無咩特別，反而杯雪梨蜜就值得一提。我叫咗少甜，出到嚟清清地，唔會好甜
🪣 一桶厚燒鰻魚玉子飯 $198
呢個飯係二人前，一上到枱我哋真係「嘩」咗出聲😲，因為係超級大份。店家即叫即製，所以熱辣辣連埋啲蒸氣送上嚟。木桶表面鋪滿咗蔥花同鰻魚，每一舊都係超肥美，差唔多都有7-8舊。每一件都塗滿燒汁閃令令✨，睇落就好有食慾。鰻魚真係幾厚肉，有彈性而且入味，因為我本人唔太鍾意魚類🐟，但呢個鰻魚真係算係非常不錯。入面嘅玉子唔係全熟，係半熟狀態嘅蛋，好多蛋液🥚流喺飯上面。甜甜地嘅鰻魚，配埋蛋汁撈飯，一個字，正。就咁睇相未必睇到個木桶有幾深，但係入面真係超級多飯🍚，我哋覺得呢個餐應該要3個大食女仔或者2個大食男仔先食得晒。我呢啲眼闊肚窄嘅就真係清唔到幾多，最後都食剩咗啲飯。不過無可厚非，食到最後真係會覺得單調同埋膩。整體覺得木桶飯都幾特別嘅，鰻魚值得一試。
👅評分：8/10
一桶厚燒鰻魚玉子飯
$198
89 views
0 likes
0 comments
🧉 冰糖紅棗雪梨茶 & 檸檬蜜 (熱) 各+$8 (套餐價)
熱檸蜜就普通無咩特別，反而杯雪梨蜜就值得一提。我叫咗少甜，出到嚟清清地，唔會好甜，可以中和到個鰻魚飯嘅膩。而且入面啲雪梨塊好好味，甜甜地又入味又軟淋淋，好好食。
👅評分：8/10
Post
