而且有 CITIBANK 全年外賣速遞 9 折 , 叫滿額又有野送
今日叫齊左 KFC 最新電視廣告o既錫紙封存系列新口味 ,
同埋周秀娜地鐵平面廣告中o既最強雞腿漢堡八層巨塔
外賣速遞用網上訂購 , 方便快捷 , 預算送達時間亦頗準繩
1. 鮮茄菠蘿封味錫紙烤二人餐
$ 109 , 套餐包括 :
~ 四件鮮茄菠蘿封味錫紙烤雞
廣告中提到 , 冬日陽光 , 錫紙封存 ~ 形容得非常貼切
錫紙果真能為雞件保持熱燙 , 茄醬跟菠蘿o既清新配搭 ,
香氣從界開錫紙一刻起緩緩飄來 , 艷紅得像冬日陽光
味道同樣出色 , 酸酸甜甜 , 有點兒像咕嚕醬 , 卻沒那樣稠
菠蘿烤過後變得軟腍 , 菠蘿汁猶在 , 加上鮮醬茄醬一起烤 ,
入味程度比雞件更甚 , 雞件軟腍程度亦可比美那片菠蘿
略為欠缺雞肉應有o既咬口 , 腍到可以用叉匙輕輕叉開
~ 一客辣汁磨菇香飯
份量十足 , 飯盒汁同飯分兩隔 , 而且可以放入微波爐
~ 兩個馬鈴薯蓉
開粉薯蓉 , 無乜特別 , 唔難食同夠汁就 ok 了
~ 一笿墨西哥脆脆配特濃芝士醬
芝士醬好味左喎 , 無咁濃稠 , 多左一分微辣o既墨西哥風味
脆片有少少酥皮o既口感 , 不過無平時食開o個種粟米味
~ 兩件瑪嘉烈葡撻
一味以往o既香脆 , 蛋漿甜美香滑 , 最緊要係 keep warm 得好
2. 八層巴辣雞腿包餐
$ 50 , 套餐包括 :
~ 八層巴辣雞腿包
八層其實係計埋兩塊面包同 d 醬汁 , 所以唔係想像中咁高大
分別係 : 包面 , 芝士醬 , 薯餅 , 蕃茄 , 秘製醬汁 , 生菜 , 炸雞 , 包底
睇都知道口感定必豐富得很 , 薯餅外脆內軟 , 最中心部份有 d 過淋
芝士醬同墨西哥脆脆o個隻醬應該係一樣 , 挺香濃 , 蕃茄係亮點 ,
又大片又 juicy , 咬開見到中間鮮茄肉汁 , 清新香甜 , 以息肉膩感
生菜相比之下不夠新鮮 , 亦不算爽脆 , 炸雞腿份量十足 , 熱辣辣
因為外皮又脆又硬 , 比較難咬開 , 食到雞腿o個層難免會論盡 d
總括呢個八層包真係相當唔錯 , 層層都好味足料 , 其實食佢都夠飽喇
~ 一件炸雞
揀左香辣脆雞 , 己經七成飽所以覺得好油膩 , 早知要狂惹香燒雞啦
~ 一客哈哈薯
好似炸薯角咁 , 連薯皮 , 不及薯格香脆 , 個包己有薯餅 , 太多薯喇
~ 一盒巴辣雞粒
雞粒水準一般 , 好硬好乾身 , 我將佢放左磨菇飯度做聽日飯盒 xd
## 叫外賣同堂食分別係 , 外賣o既套餐都唔跟飲品 , 要加錢選配
但以食物單件計算 , 外賣係抵食過堂食好多o家 , 呢度埋單 $ 143
明知食唔晒 , 不過屋企有焗爐翻熱 , 我地可以將佢分左做四餐 , 正呀 !!
