Video
Read full review
2013-09-30
160 views
自從戀上呢間食店後，之後開始愛上食佢【魚旦河】，當時連凍飲都係 HK$27元，食足一年終於由非常熱愛，食到開始有少少厭倦了! 2012 年之後就冇再去食，其實我都可以轉食其他種類，但原因係有幾點，就係大型趟門太重太難推，加上元朗大多食客冇文化，出入大部份都唔會自動自覺閂門，坐近門口位熱天時，就真係熱到好辛苦! 加上元朗食客又興一人坐兩位，鎖匙包都可霸多一個位坐。好多時兩個人坐四人枱，仲打對角坐添! 所以我咪少左去食囉!自此 2012 至 2013 年 8 月期間，我就改左去合益商場間【許記】食，但始終【魚旦河】，我敢講呢幾年間，港九新界食過最好，暫時都係【輝記】最好食。不過我覺得湯底已經比 2011 年時差，原因係當年湯底，真係見到魚肉渣及魚骨。但現在多左一分胡椒粉味，少左魚肉渣及魚骨，少左一分鮮味，多左一分味精似的味!上星期中我休息經過，見到入面客人不多，所以又入去回味。其中一個做得最耐阿姐，竟然認得我仲話我成年都冇嚟過，仲記得我前年仲整襯腳添! 我讚阿姐好記性喎!現在一碗【魚旦河 + 凍奶茶】，套餐比之前貴左 $3元，總共係 $30元。不過仍然保持到好大碗，魚旦及魚片都好新鮮及有魚
2012 年之後就冇再去食，其實我都可以轉食其他種類，但原因係有幾點，就係大型趟門太重太難推，加上元朗大多食客冇文化，出入大部份都唔會自動自覺閂門，坐近門口位熱天時，就真係熱到好辛苦! 加上元朗食客又興一人坐兩位，鎖匙包都可霸多一個位坐。好多時兩個人坐四人枱，仲打對角坐添! 所以我咪少左去食囉!
自此 2012 至 2013 年 8 月期間，我就改左去合益商場間【許記】食，但始終【魚旦河】，我敢講呢幾年間，港九新界食過最好，暫時都係【輝記】最好食。不過我覺得湯底已經比 2011 年時差，原因係當年湯底，真係見到魚肉渣及魚骨。但現在多左一分胡椒粉味，少左魚肉渣及魚骨，少左一分鮮味，多左一分味精似的味!
上星期中我休息經過，見到入面客人不多，所以又入去回味。其中一個做得最耐阿姐，竟然認得我仲話我成年都冇嚟過，仲記得我前年仲整襯腳添! 我讚阿姐好記性喎!
現在一碗【魚旦河 + 凍奶茶】，套餐比之前貴左 $3元，總共係 $30元。不過仍然保持到好大碗，魚旦及魚片都好新鮮及有魚味，唔似一般麵店魚旦及魚片好實又冇味。另外值得一讚係河粉，堪稱元朗數一數二白滑。如果食牛叫阿姐幫忙加一點色=腩汁，就更加好味道。
今次回歸再試，發覺食物品質保持到，係湯底冇以前咁鮮甜奶白，但比起【嘉麗園】都算順喉唔頸渴。服務方面就覺得差左，又係一個通病，就係已經唔係次次一坐低，侍應就會斟杯清茶俾你，不過最近兩次都只係一次冇，要我出聲叫先拎俾我囉! 其實可能係新手阿姐兼顧唔到卦!? 希望能夠 keep 到呢個服務啦! 旨因好多食店做旺左之後，就會變質唔著重服務啦!
暫時都係食過之中最好食【魚旦河】，下次都會再去繼續幫襯。
Other Info. :
最討厭就係兩道趟門，過份高、高份大及過份重，導致一向冇乜公德心元朗人，出入後都更加冇公德心關門，導致冷氣流失，大熱天時食到汗流浹背好冇癮，希望將兩道大趟門，修改低啲、輕啲或改為自動門。
(The above review is the personal opinion of a user which does not represent OpenRice's point of view.)
Post
