事隔兩個月再嚟呢間餐廳試食，真係有驚喜。首先講服務，之前要先俾錢先食，感覺好似快餐店多過西餐廳，完全唔match佢嘅裝修同定位。今次嚟就唔同晒，可以先食後俾錢，感覺即刻高級咗，食得安心又舒服。
服務方面都明顯改善咗，之前嗰位女服務員態度麻麻，今次換咗個新嘅，真係好好多。佢唔單止主動介紹菜式，仲好有禮貌，枱面清潔得好乾淨，成個用餐體驗加分唔少。
🍽️ 講返食物，依然咁掂！
我叫咗個五成熟嘅西冷扒，火喉控制得好準，外脆內嫩，肉汁鎖得實。仲有個蟹肉意粉，味道好鮮甜，蟹肉唔腥，意粉煮得啱啱好，有咬口，唔會淋晒。
🪑 環境方面都值得一讚
餐廳環境依舊咁舒服，燈chill下都好啱。晚上背景一輕鐵走過，若果是屯門人我相信你會喜，氣氛好relax。
1
