Video
Read full review
2007-12-13
8 views
就係因為尋晚食完"貝隻骨"落o既一餐,成晚諗住依件事,至會令一個唔鍾意打字o既人決心打出黎比各位睇!唔想有更多更多受害者!!!話說尋晚同同事一行三人放工,再由佐敦飛的過旺角寧記join埋另一個同事,本人超級鍾意食麻辣火鍋,不過一直都係去尖咀果間o既~去到大約1點15分,一入門口,年青waiter緊張同我地講:3點半鐘last call喇喎!我地一心黎到食,都預o左食到3點鬆d,因為有個同事今日仲要番工嘛~就答佢冇問題啦~仲有約4枱仲食緊坐低後叫我地落o左湯底先,要個台灣麻辣小辣,個湯冇鴨血就預o左,但一試就得個苦字,仲比d唔三唔四又黃o既蔥C,我地諗住算啦~都係想坐埋一齊食野吹吹水o者野食o黎到,我地嗌埋啤酒同竹借茅根水,一路食,d吉碟有人waiter都冇人收,我地唯有自己疊起佢(職業病發作)侍應大大聲吹水,行行企企食飯幾味,攪錯!!哈~到1點7左右,o黎料喇!!身材十分高瘦男侍應居然攪清潔!!!?冷氣罩正正o係我同事頭拆落o黎(係超大型冷氣)全枱人O晒咀.........好戲繼續咁o黎!之後另一女侍應掃地,你掃開唔緊要,最抵死係將d垃圾一堆堆掃o係我3個同事d椅後面!!!!!仲要唔係
話說尋晚同同事一行三人放工,再由佐敦飛的過旺角寧記join埋另一個同事,本人超級鍾意食麻辣火鍋,不過一直都係去尖咀果間o既~
去到大約1點15分,一入門口,年青waiter緊張同我地講:3點半鐘last call喇喎!我地一心黎到食,都預o左食到3點鬆d,因為有個同事今日仲要番工嘛~就答佢冇問題啦~仲有約4枱仲食緊
坐低後叫我地落o左湯底先,要個台灣麻辣小辣,個湯冇鴨血就預o左,但一試就得個苦字,仲比d唔三唔四又黃o既蔥C,我地諗住算啦~都係想坐埋一齊食野吹吹水o者
野食o黎到,我地嗌埋啤酒同竹借茅根水,一路食,d吉碟有人waiter都冇人收,我地唯有自己疊起佢(職業病發作)侍應大大聲吹水,行行企企食飯幾味,攪錯!!
哈~到1點7左右,o黎料喇!!身材十分高瘦男侍應居然攪清潔!!!?冷氣罩正正o係我同事頭拆落o黎(係超大型冷氣)全枱人O晒咀.........好戲繼續咁o黎!之後另一女侍應掃地,你掃開唔緊要,最抵死係將d垃圾一堆堆掃o係我3個同事d椅後面!!!!!仲要唔係掃起佢,係由得佢堆o係度!!重頭戲出埸!!突然一下巨響,坦克車型號吸塵機出場以"龜速"環繞一周!!!離晒譜!o個陣差唔多兩點,只係兩點咋!!!唔係4點先收工咩??我地做都係依行,我明白如果佢地3點15分或者3點半開始都可以"隻眼開隻眼閉"!我非常覺得我地似食塵多過似打邊爐囉!!依間食店員工一d最基本o既衛生常識都冇!食客正在用餐居然o係旁邊進行打掃工作!d塵肉眼睇唔見!完全妄顧食客健康!!
最唔妥o既係高瘦男侍應拖地拖到地拖棍一野"板"落我膝頭哥!!好攪笑囉,我係坐o係裡面,唔知點解條友拖走廊都可以整到我囉!!
兩點20分左右,旺角寧記火鍋福食時間!!每個員工坐埋一圍打邊爐!!原來依份工咁好番o既,又可以"糟質"食客,又可以提早兩個鐘唔使做野舒舒服服免費打邊爐,難為我地比錢o既食唔到想食o既野之餘仲要食到一肚氣tim~!!一百蚊一肚氣!真~抵食!囉
高瘦男侍應收碟,問我地兩碟肥牛食唔食?唔食唔好"晒",嘩!d野食會reuse ga乜?????????忍左成晚我終於忍唔住,我話"你on 狗ga?我地明明寫左一碟!係你地d人懶醒疊多兩碟出o黎咋喎!"高瘦男侍應收野走開,o係我地身後大聲同另一男侍應大聲叫囂
差唔多3點我地食得七七八八,一個著黑色員工衫o既肥婆行過我地身邊大大聲講:唉~快d食呀!唔好阻住阿姐收工!"之後行左去,我地埋完單,一個男侍應我地成枱人對佢地o既服務已經麻木晒,食完之後對旺角寧記依間野只係感到無奈,極差,失望,失敗!!如果一直係依班伙計,我依一世都唔會再幫襯!!!
只因麻辣味道特別,但我以後只會幫襯尖沙咀百利寧記,好奇怪同一公司,環境,服務,食物等居然咁大分別,作為一個食物從業人員,今時今日可以番工,只因有食客o既支持,如果持續咁o既服務素質,我相信各位精明消費者識得選擇
如果各位唔信要一試,建議被"糟質"入坐時間為12點至1點後
Post