每次同女朋友分手，我都會自己返去以前拍拖去開既地方行下，今次都唔例外，我一個人去左葵廣，兜左幾個圈之後發覺葵廣跟本無變過，變既只係我同你。
我抹乾眼淚離開葵廣，正諗住搭巴士返屋企個陣，見到隔離巷仔企滿左人排隊買野食，睇真D係排緊個間你每次都厭太多人唔肯食既強記，見今次自己一個人，我決定排隊試下。
雖然條隊好長，但條隊都去得好快，唔洗兩分鐘已經到我，我叫左牛肉球同魚蛋，可能因為失戀，我好順口咁叫左加辣，拎到野食之後，我同其他人一樣去左對面牆企黎食，我望一望兜野，決定食左牛肉球先，一啖，兩啖，三啖，拎起魚蛋，一啖，兩啖，三啖，呢一刻，我終於明白點解強記會咁多人排隊。
最後，Chole，多謝你，唔係同你分手我都唔會有機會食到強記。
