潮州仔食堂 (Moved) New Location

今日中午諗緊食乜好，經過呢度，發現未試過呢間，決定試下呢間潮州野。😁入到去大部分都係圓枱，要搭枱既機會都大，不過都叫坐得舒服。一睇到menu先知原來佢主要係食粉麵，以為有其他潮州野食。😅不過見咁多人食，有90%full，應該野食質素有保證。🤓佢主打食豬，豬雜愛好者好啱食，你諗得出既基本上都有，連黃喉出面好少見既都有，好驚喜！😍今次我就要咗黃喉同潮州出名既牛丸，首先個份量多（仲有啲黃喉係底）。第二要讚下既係佢個胡椒湯底夠特別，胡椒味好夠，食得辣既仲有胡椒俾你自己加，好味！😋仲有菜埔俾你自己加。👍🏼👍🏼