流水蝦 (Closed)

一直都好想食一次流水蝦覺得有得夾蝦好過癮今日咁啱會過去官塘嗰邊就一於book枱試吓食6:00去到啦場內冇咩人安排咗一張闊落又大嘅枱俾我哋張枱隔離就係蝦缸，有好多大頭蝦蝦缸入面嘅蝦隻隻都好生猛要夾實住佢唔係咁易，夾完要即時放入冰桶先凍暈蝦大頭蝦肉質彈牙，有蝦膏，有蝦籽，燒大約十分鐘就食得！每枱仲送海鮮船、安格斯牛肉拼盤扇貝都鮑魚都好新鮮，可惜無得再叫安格斯牛肉切得夠薄，輕輕一燒已經可以食！牛味好濃，齒頰留香。岀面自助區都有唔少野食揀。海鮮有原隻魷魚、墨魚仔、青口、生蠔、鯖魚等等亦都有好多丸類、金菇肥牛卷、娃娃菜、金菇、韭菜等燒烤常見蔬菜同埋佢哋有好多調味料選擇枱面上已經準備好黑胡椒粉、鹽出面仲可以拎到牛油、燒肉汁、蒜蓉等等方便你調出自己嘅最愛口味另外仲有炸物、熟食、甜品、生果、雪糕絕對食到捧住個肚離開。