Mamaday (Moved) New Location

今日約咗港女朋友食下午茶佢提議嚟到尖沙咀嘅呢間mamaday係黃店cafe 下午嚟到已經超多人等位 證明質素有保證 入面嘅裝修非常復古加玩味 打卡一流 座位好寬敞坐得夠曬舒服 可惜有用餐時間 如果唔係實可以坐成個下午辣架傻豬豬豬頸肉泰式肉碎日本蛋包飯 份量超大 豬頸肉醃得好冧 而且香辣味非常濃郁 再加上海量嘅炸蒜同埋泰式肉碎 十分開胃 蛋包飯用咗日本蛋去做 一啲都唔吝嗇而且非常滑溜蛋香濃郁黑到爆炸墨魚圈墨魚滑墨魚汁意大利飯 上面又係有海量炸蒜 呢個crossover真心幾有趣 炸墨魚圈彈牙脆口而且新鮮墨魚味十足 墨魚汁 燉飯亦都好重忌廉味 軟硬度適中令人少女心爆發嘅窩夫 非常鬆軟而且唔太甜 推薦