德興火鍋．海景軒 (Closed)

星期四中午同同事嚟左呢度食飯因有人升職請食飯,我地都係第一次嚟架炸....點知好失望呀!!!只是叫左好普通的點心,鳯爪,排骨,腸粉,魷魚酥等.....但係估唔到全部都好似冇味咁.....攪到我地食到停晒手,因為真係唔好食.飯及粉麵果d都係冇咩味道....唔知點解會咁架呢??甜品叫左綠豆爽清心丸,但係感覺好怪,佢唔係清心丸,係好大件四方型的好似清心糕的物體,再加埋綠豆爽,都係冇味架....紅豆糕係好普通的甜品,但係都係唔好食架....好硬好多粉呀.....有個綠茶奶凍,但同事話都係唔好食...食左好多嘢但其實又唔覺食過咩,因冇一樣可以有深印象啊....