諗緊lunch食咩，即刻諗起文記車仔麵
文記車仔麵不嬲都出名
好難想像開車仔麵店，都會咁出名，多人排隊
呢間文記車仔麵，全自助式用手機落單同付款
車仔麵會喺運輸帶送過嚟
一開始都有啲擔心啲湯會唔會漏岀黎
好彩冇
我同朋友都係叫咗四餸車仔麵
車仔麵嚟講，呢度嘅價錢都真係唔平
湯底有少少失望，比起上一次嚟
今次嘅湯底係唔同咗，味道比較清淡🙈
如果唔係加咗沙嗲醬，湯底真係好淡
👉🏻牛腩炆得夠入味夠淋👍🏻
👉🏻蘿蔔清甜冇喳
👉🏻魚蛋，呢度用上好細粒嗰啲魚蛋，個人就唔係好喜歡呢款
👉🏻專登叫咗款菜，健康啲
👉🏻魚皮餃好大粒，不過同上次嚟又換咗供應商，我比較知鍾意之前嗰款魚皮餃
🔸墨魚餅
嚟文記車仔麵，特別推介一定要叫呢個小食😍
墨魚餅，炸到脆卜卜，餡料彈牙😋
好美味👍🏻
