真係超級好彩，12點幾去到店門口見到長長的龍，打定輸數食唔到啦，點知前面排嘅全部都係5個同8個嘅大檯，店員走出黎問有冇2個嘅時候，開心到我哋大叫😆😆😆😆
入到去落單完之後，唔洗5分鐘米線已上檯，再觀察下四週，其實都唔算大，不過大家都係食碗麵就走，所以流動率都算高。
🐔黃酒藥膳雞米線 （$59）- 酒味同藥材味平衡得剛剛好，唔會搶咗對方風頭，又唔會「哽」到入唔到口，會令你不知不覺飲下一啖飲下又一啖。但比較估唔到係佢唔係用新鮮雞件，而係用雞柳，雖然係好嫩滑同食得出有醃過，但係用新鮮雞件會比較夾d。
🐔花膠雞濃湯米線 （$69）- 雞湯係好味嘅但唔夠濃，米線係幼果款，好彈牙好有咬口，呢碗係唔洗五分鐘就上到檯，所以相對無咁熱，感覺好似一早整好哂凍哂咁，如果可以再濃d熱d呢碗米線會係💯，呢碗用上鮮雞件，醃得好入味，不過如果要轉雞髀要加$13，相對較貴。
🐔小食：失傳已久的豬扒 （$28）- 一定要趁熱食！！！
一口咬落去，超級鬆化，成塊手掌咁大，無咩骨位啖啖肉
🐔低糖豆漿*2 （$9/枝）- 佢呢度得低糖同無糖兩款可以揀，低糖同外面正常糖一樣夠甜。
後記：留意到店員清一色係男人，跟住同事話咁人哋叫brother chicken，又係wor😆😆
同埋見到人哋食吊你癮小鍋米線，原來係咩都有嘅雜錦酸辣米線，落單時店員會問你知唔知係咩黎，跟住一口氣好似唸急口令咁講哂有咩餸，好正😝😝😝😝
另外要注意因為佢哋人手不足，而家淨係開午市，大家記住唔好好似我第一次夜晚去摸門釘呀🥶
二撇雞
觀塘開源道60號駱駝漆大廈第3座4樓O室
回頭指數：⭐️⭐️⭐️⭐️⭐️
抵食指數：⭐️⭐️⭐️⭐️⭐️
人均消費：$87
