Video
Read full review
2022-10-17
574 views
🌃餐廳位於尖沙咀寶勒巷， 主打川菜料理。 餐廳外牆有一大幅紅噹噹嘅手繪壁畫，襯托出餐廳以重慶火鍋及川式粉麵專家嘅象徵， 而餐廳劃分室內同室外嘅位置， 供大家去選擇不同嘅用餐體驗。.🌃餐廳推出了全港首創茶底麻辣火鍋加上烤肉， 可以一次滿足兩個體驗。 全港首創茶底麻辣湯底可以選擇普洱茶、菊花茶、高山紅茶， 另外可以加30蚊選擇鴛鴦湯底， 湯底可以選擇養生菌皇雞湯或酸菜魚鍋。.🤠 通粉foodie 就叫了 新鮮農場靚牛火鍋串串套餐， 平日晚市時段 ， 價錢係298蚊， 任食100分鐘， 而湯底選了菊花茶麻辣湯底及養生菌皇雞湯，菊花茶可以清熱解膩， 有淡淡嘅菊花香氣，有助減低麻辣嘅熱氣感， 而另一邊嘅養生菌皇雞湯， 飲落幾清甜， 落咗唔少蟲草花同菇菌類， 真材實料， 除咗打邊爐之外， 另一邊仲有烤肉板， 可以有一個烤肉嘅體驗。.🦐 餐廳附送咗時令海鮮拼盤， 有鮑魚、蟶子、海蝦、大蜆， 海鮮嚟講都幾新鮮， 保留到彈性嘅感覺，仲有兩盆嘅牛頸脊， 牛肉花紋條理分明， 食落去都幾重牛肉味。.🍴 而餐廳大堂有一個大型嘅自助吧， 有超多款迷你盅同埋串串嘅選擇， 較特色嘅有薄荷牛肉、芫茜牛肉 、牛黃喉、鹵水
.
🌃餐廳推出了全港首創茶底麻辣火鍋加上烤肉， 可以一次滿足兩個體驗。 全港首創茶底麻辣湯底可以選擇普洱茶、菊花茶、高山紅茶， 另外可以加30蚊選擇鴛鴦湯底， 湯底可以選擇養生菌皇雞湯或酸菜魚鍋。
.
🤠 通粉foodie 就叫了 新鮮農場靚牛火鍋串串套餐， 平日晚市時段 ， 價錢係298蚊， 任食100分鐘， 而湯底選了菊花茶麻辣湯底及養生菌皇雞湯，菊花茶可以清熱解膩， 有淡淡嘅菊花香氣，有助減低麻辣嘅熱氣感， 而另一邊嘅養生菌皇雞湯， 飲落幾清甜， 落咗唔少蟲草花同菇菌類， 真材實料， 除咗打邊爐之外， 另一邊仲有烤肉板， 可以有一個烤肉嘅體驗。
.
🦐 餐廳附送咗時令海鮮拼盤， 有鮑魚、蟶子、海蝦、大蜆， 海鮮嚟講都幾新鮮， 保留到彈性嘅感覺，仲有兩盆嘅牛頸脊， 牛肉花紋條理分明， 食落去都幾重牛肉味。
.
🍴 而餐廳大堂有一個大型嘅自助吧， 有超多款迷你盅同埋串串嘅選擇， 較特色嘅有薄荷牛肉、芫茜牛肉 、牛黃喉、鹵水牛雜等， 通通都係從屠房拎貨嘅新鮮食材， 另外仲有雞牛羊豬肉串，也可以作為烤肉嘅選擇， 另外仲有各款丸類、菇菌類、蔬菜類同埋各款粉麵， 小編強烈推介麻辣湯底加上寬粉， 食落煙煙靭靭，掛上湯汁非常之惹味。
.
🍹 另外飲品都幾有驚喜， 餐廳有齊超多款經典玻璃樽汽水， 有可樂、忌廉、芬達， 仲有「紅茶花伝」 嘅檸檬紅茶同蜜桃紅茶， 除咗玻璃樽汽水之外， 仲有罐裝OOHA無糖汽水， 同埋其他一系列飲品。
.
👉至於其他食物可以參考圖片， 篇幅有限未能盡錄。
.
📍川婆婆 (寶勒巷)
尖沙咀寶勒巷26-36號地舖
.
此價格只供參考及以當時為準，實際價格或會與本文章有所差異。
-
Post
