老掌櫃東北菜館 (利奧坊) (Under Renovation)

大角咀嘅老掌櫃係扁皮鴨關注中長期人氣餐廳，今晚終於來食到，滿心期待，係香港少見的東北菜館。餐廳長期爆滿，人頭湧湧，難得今晚等咗10幾分鐘就有位。點都要試吓佢招牌🦆北京填鴨（半隻），$168上碟時已經排到勁靚😍估唔到份量勁多。最緊要外皮香脆，油脂位唔多，配上青瓜、京蔥、醬料，連埋個薄餅皮一齊食，口感豐富。不過就要趁熱好快脆食，因為由於冇個爐保溫，塊皮好快會凍，凍咗會影響口感。仲叫咗酥炸排骨擔擔麵，擔擔麵充滿花生香，帶有微辣，排骨另上，夠香脆。不過佢個面嘅份量真係好大碗件，見台台都食唔晒🤣所以大家一定要留肚。仲有個鹹蛋豆角都好正，送飯會好惹味，如果再多啲鹹蛋香會更入味。🫘懷舊甜品高力豆沙即叫即製，熱辣辣，外層灑上砂糖，蛋白皮好香，口感綿滑。