88餐廳 (Closed)

之前食過兩三次，佢哋嘅叉燒真係可以話全港最好食，肥瘦適中，入口溶化，食過好多其他餐廳，由幾十數燒臘檔到幾百蚊大酒店，冇間超越到佢，最多平手。最近去竟然見到佢已經執咗，真係非常之遺憾。天下第一叉從此成為絕唱。除咗叉燒，佢哋嘅燒腩仔都係好掂。第啲地方分開燒肉同燒腩仔，後者當然賣貴幾個價位。呢度索性唔賣燒肉，用燒腩仔嚟替代。換句話說，就係貴貨平賣。平還平，咁好唔好食先？肥瘦相間，皮薄鬆脆，肉質嫩滑，雖然唔夠叉燒優秀，但都算係一流貨色。俱往矣，啲人唔識食，冇計。希望嗰位燒臘師傅快快另起爐灶，今次記住開喺中環銅鑼灣跑馬地之類地方，開喺長沙灣絕對係嘥料，嗰啲窮地方係冇人識欣賞好嘢嘅。