無肉食 (My Central) (Closed)

近排發現多咗好多素食餐廳，今日黎到中環一間位於嘉咸街的無肉食！依家做緊全日素食自助餐，同一般自助餐唔同，無肉食係先付款，之後就自由夾餸，食飽飽就執埋自己的碗筷就得。間中會食下素食，不過就未試過素食的自助餐。餐廳的食物都好多樣化，有好多種類選擇，好似有冷盤沙律，有甜點，有飯麵等等。有啲餸會講明有蛋奶素，就方便全素食的人揀食物。如果想試下素食自助餐就去試下👍🏻你會覺得食素都可以有好多選擇同埋係好食的。餐廳位置都有少少難揾，行到去威靈頓街，見到pizzaexpress 對面有生果檔，再上條斜路就會見到😍除咗中環之外，仲有荃灣、佐敦、旺角和北角的分店。