注意⚠️：由於係小有名氣既良心小店，加上座位唔多，請預留至少15-20分鐘等位。今日我等左半個鐘先入到去。
煙肉：煙肉幾香但冇咩特別
蘑菇：味道不錯，只不過比起其他有有預先煎香的差距較大，呢個位比較失落
腸：砌開左一半，嘗試煎香條腸，但冇咩特別
沙律菜及蕃茄：都算幾新鮮，但少左啲醬汁令到菜比較乾身，蕃茄少少酸味道okay
Bagel: 呢間舖頭嘅主打食物，質素非常高，就算冇其他餡料都又脆又好食，加上自己本身鍾意食較為鹹既麵包，所以all day breakfast 最大亮點亦都係Bagel
本身想試佢地推介既Picollo 但嚟個時有少少頭痛，決定飲杯較為輕手嘅咖啡 Cappuccino，點知呢個選擇都相當之好。
咖啡豆既果味相當突出，唔會比奶同奶泡蓋過，喺奶味當中滲透出少少酸味，非常適合自己所期望嘅味道，亦令我好想知佢地既Picolo 到底會係咩味。
