BRICK LANE Deli (Closed)

第二次食，都係食pizza，我鐘意食薄底批，所以覺得好食，分量亦唔細，我同小朋友兩份食都夠飽，而且真係幾經濟，星期日都有holiday brunch，連嘢飲。加咗份薯條，20蚊，不過係幼身薯條，普普通通啦，嗰松露醬都OK嘅。飲品係熱咖啡，同屋企沖嘅差唔多，不過不失。真係要讚吓啲職員，雖然唔收加一，但會好主動幫忙，見有小朋友（其實都够高坐到櫈）即刻問要唔要bb櫈，而且會自動波攞埋小朋友餐具，仲要態度友善！聽落好似好正常，但好多餐廳做唔到，分分鐘要三催四請，黑埋你面。啲調味料係自助嘅，但見到隔嚟枱兩位後生嘅食客唔知道，問職員攞，職員都有幫手，之後好有禮貌咁提返佢哋如果仲需要其他調味料可以出去自己攞。